Հանդիպում Օրհուսի գրասենյակում Սևանի հարցով.

 Բնապահպանները տեղեկացնում են, որ կայացել է հանդիպում Օրհուսի գրասենյակում, որտեղ քննարկվել են Սևանի հիմնախնդիրները: Հանդիպմանը ներկա են եղել բանպահպանության նախարարությունը ի դեմս պարոն Պապյանի, պարոն Մովսեսյանը (Սևանի հանձնաժողով) Էներգետիկայի և բնական պաշարների նախարարությունը, ՀԿ-ներ, գիտնականներ: Իր ծավալուն ելույթում պարոն Մովսեսյանը ներկայացրել է ընդհանուր առմամբ Սևանում անցկացվող գործողությունների և նրանց դրական հետևանքների մասին: Պարզվում է, որ այս պահին չունենք խնդիրներ կապված Սևանի հետ, գիտնականներն էլ մի կողմից ասացին, որ զուր էք գոչում ՍՈՍ Սևան: Սակայն ՀԿ- ները այլ կարծիքի են ասաց Էկոդարի իրավաբան Արտուր Գրիքորյանը, նա բոլորին հիշեցրեց թե ինչպիսի վտանգ է ներկայացնում իրենից Geopromining - Gold կազմակերպության գործունեությունը Սևանում: Պարոն Պապյանը նշեց, որ իրենք իհարկե համաձայն են, որ կազմակերպությունը չունի օրինական թույլտվություն ջարդիչ սարքը շահագործելու համար, սակայն ոչ մի բան դեռ չեն հասցրել ձեռնարկել այսքան ահազանգերից հետո, նշեց նաև, որ իրենք իրենց աչքով չեն տեսել, ինչը զայրութ առաջացրեց Հկ-ների մոտ, մենք ենք տեսել` արձագանքեց պարոն Սանասարյանը: Պարոն Պապյանը խնդրեց դաշինքին ներկայացնել մի նամակ իրավական ապացույցներով անօրեն գործունեության մասին: Նա հավաստիացրեց որ իրենք կազմելու են հանձնախումբ, որը զբաղվելու է այս լուրջ խնդրով: Իսկ բնապահպաններն ասում են`դե մենք իհարկե նամակը կպատրաստենք, բայց մեզ համար անհասկանալի է, թե ինչպես ստացվեց, որ մի օտարեկրյա կազմակերպություն զբաղվում է անօրեն գործունեությամբ մեր երկրում և դրա մասին պետք է մեր պետական այրերը իմանան ՀԿ-ներից: Ըստ բնապահպանների սա հարցերի հարցն է_ չենք կարծում, որ մեր պետական այրերը չգիտեին դրա մասին, ուղղակի ժամանակ էին շահում: