ՀԱՆՐԱՅԻՆ ՑԱՆՑ

Հրավեր Հասարակական կազմակերպություններին

Hakobyan — Mon, 26 May 2014 07:41:59 GMT

Հարգելի գործընկերներ

«Սպառողների աջակցման կենտրոն» հասարակական կազմակերպությունը ս.թ. մայիսի 27-ին ժամը 15:00 –17:00 կազմակերպում է շնորհանդես Զարգացման Հայկական Գործակալության կոնֆե- րանսների դահլիճում (հասցեն՝ Մ. Մկրտչյան 5, ՀՀ ԷՆ մասնաշենք, 1-ին հարկ), որի ընթացքում ներ- կայացվելու են «Արմբրենդ» Ազգային գործընկերային համակարգի ստեղծման նախագիծը և կայքը:

Միջոցառմանը հրավիրված են հայկական բիզնեսի, պետական կառույցների, կուսակցություննե- րի, միջազգային, հասարակական կազմակերպությունների, ԶԼՄ-ների ներկայացուցիչներ:

Սիրով հրավիրում ենք Ձեզ մասնակցելու շնորհանդեսին և, խնդրում ենք, հաստատել Ձեր մասնակցությունը մինչև 27.05.14թ. ժամը՝ 12:00, էլ. փոստ՝ info@armbrand.am:

27.05.14թ. Օրակարգ

14:40 – 15:00 մասնակիցների գրանցում

15:00 – 15:05 բացման խոսք, Ռ. Հարությունյան, ԶՀԳ գլխավոր տնօրեն

15:05 – 15:45 «Արմբրենդ» համակարգի և կայքի ներկայացում, Ա. Միրզոյան

15:45 – 16:00 հարց ու պատասխան

16:00 – 16:50 քննարկում՝ առաջարկներ և դիտողություններ

16:50 – 17:00 ամփոփում և ավարտ

Հարքանքով

«ՍԱԿ» ՀԿ նախագահ՝ Ա. Միրզոյան

Լրացուցիչ տեղեկատվության համար, հեռ.՝ +374 93 367 327

«Մասնակցային կառավարման հիմնախնդիրները Հայաստանում և զարգացման հեռանկարները» կլոր սեղան–քննարկում

Hakobyan — Mon, 19 May 2014 09:52:44 GMT

ՀՐԱՎԵՐ

«Հանրային ցանց» իրավաբանական անձանց միությունը,Քաութերփարթ ինթերնեշնլ կազմակերպության հայաստանյան ներկայացուցչության և ԱՄՆ Միջազգային զարգացման գործակալության ֆինանսական աջակցությամբ իրականացվող «Ես մասնակցում եմ» ծրագրի շրջանակներում, ուսումնասիրել է Հայաստանի և այլ երկրների գործադիր իշխանության համակարգում գործող խորհրդակցական մարմինների (կոլեգիաներ, խորհուրդներ) գործունեությունը, զարգացման հեռանկարները՝ մշակելով Հայաստանում որոշումների ընդունման գործընթացում հանրային մասնակցության խթանմանն ուղված առաջարկությունների փաթեթ:

Միաժամանակ, «Հանրային ցանցը» ստեղծել է www.orensdrakan-orakarg.am կայքը, որը հնարավորություն կտա ՀՀ քաղաքացիներին մեկ աղբյուրից տեղեկանալ Հայաստանում օրենսդրական գործըթացների, ինչպես նաև ՀՀ կառավարության և Ազգային ժողովի օրակարգում քննարկվող օրենսդական և քաղաքականությունների բարեփոխումների մասին՝ ժամանակին առաջարկություններ ներկայացնելու նպատակով

Սույն թվականի մայիսի 23-ին, ժամը 11։00-13։00-ը Անի պլազա հյուրանոցում կկայանա բարեփոխված www.orensdrakan-orakarg.am կայքի շնորհանդեսը, որին կհաջորդի «Մասնակցային կառավարման հիմնախնդիրները Հայաստանում և զարգացման հեռանկարները» թեմայով քննարկում, կներկայացվի խորհրդակցական մարմինների գործունեության վերաբերյալ ՀՑ ուսումնասիրությունը։

Սիրով հրավիրում ենք Ձեզ մասնակցելու միջոցառմանը։ Խնդրում ենք մասնակցությունը հաստատել pncddunion@gmail.comէլ.փոստի հասցեով կամ ստորև նշված հեռախոսահամարներով։

Շնորհակալ կլինենք համագործակցության համար։

Հարգանքով՝

Մերի Ալեքսանյան

Ծրագրի ղեկավար

Մ Ա Մ Լ Ո Հ Ա Ղ Ո Ր Դ Ա Գ Ր ՈՒ Թ Յ ՈՒ Ն

Admin — Wed, 03 Jul 2013 10:53:30 GMT

Մ Ա Մ Լ Ո Հ Ա Ղ Ո Ր Դ Ա Գ Ր ՈՒ Թ Յ ՈՒ Ն

Սույն թվականի հունիսի 6-ին, «Անի Պլազա» հյուրանոցի «Նաիրի» դահլիճում տեղի ունեցավ Պետական կառույցների հետ համագործակցության «ՀԱՆՐԱՅԻՆ ՑԱՆՑ»-ի ու ՀՀ Աշխատանքի և սոցիալական հարցերի նախարարության համատեղ կազմակերպած «Զբաղվածության մասին» ՀՀ օրենքի նախագծի հանրային քննարկումը:

Քննարկումը կազմակերպել է «ՀԱՆՐԱՅԻՆ ՑԱՆՑ»-ը համակարգող «Արազա» ԲՀԿ-ն` ԱՄՆ ՄԶԳ «Քաունթերփարթ ինթերնեշնլ» կազմակերպության աջակցությամբ իրականացվող «Օրենսդրական գործընթացում առկա մասնակցային համակարգի կիրառելիության և արդյունավետության բարձրացում» ծրագրի շրջանակներում:

Հանրային քննարկման նպատակն էր օրենքը մշակողներից ստանալ օրենքի նախագծի վերաբերյալ ցանցի հանրային փորձագետների և ՔՀԿ այլ կառույցների կողմից բարձրացված հարցադրումների պատասխանները, հավաքագրել և քննարկել առաջարկներ միասնական փաթեթով նախարարությանը ներկայացնելու համար:

Քննարկմանը մասնակցում էին ՀՀ Աշխատանքի և սոցիալական հարցերի առաջին փոխնախարար Արայիկ Պետրոսյանը, Աշխատանքի և զբաղվածության վարչության պետ Թադևոս Ավետիսյանը, «Զբաղվածության պետական ծառայություն» գործակալության տնօրեն Արտակ Մանգասարյանը, ՀՀ ԱԺ-ի սոցիալական հարցերի մշտական հանձնաժողովի փորձագետ Արևիկ Խաչատրյանը, ՀՀ ԱԺ-ի օրինաց երկիր խմբակցության պատգամավոր Հովհաննես Մարգարյանը, ՀՅԴ, ՀԱԿ խմբակցությունների պատգամավորների օգնականներ և փորձագետներ, ՀՀ ԱԺ-ի աշխատակազմի ղեկավարի տեղակալ Արթուր Ապրեսյանը, զբաղվածության տարածքային կենտրոնների, արհեստակցական միությունների, գործատուների միության, մասնավոր զբաղվածության գործակալությունների, ՓՄՁ սուբյեկտների և ցանցի ներկայացուցիչներ, լրագրողներ, ընդհանուր թվով 72 մարդ:

Պարոն Ավետիսյանը ներկայացրեց օրենքի նախագծի փոփոխությունների հիմնական ուղղությունները, նշեց, որ նախագիծն արդեն ներկայացվել է կառավարության հաստատմանը: Օրակարգի համաձայն պատասխանեց հարցադրումներին, ապա անդրադարձ կատարեց նաև ցանցի կողմից կանխավ ներկայացված հարցադումներին, նշեց, որ դրանցից շատերին ընթացս պատասխանել է, իսկ առաջարկների առումով նշեց, որ որոշներն արժանացել են աշխատանքային խմբի ուշադրությանը և գտնվում են քննարկման փուլում, ուստի առայժմ դրանց անդրադառնալը վաղաժամ է համարում:

Այնուհետև ներկաները բարձրաձայնեցին և քննարկվեցին` թափուր աշխատատեղերի մասին միասնական տեղեկատվական, քաղաքացիների սոցիալական քարտի միասնական տվյալների բազաների, հաշմանդամների խնամքով զբաղվող անձանց և գյուղաբնակների զբաղվածության, ինտեգրացված սոցիալական ծառայության համակարգի ներդրման խնդիրներին վերաբերվող առաջարկները: Դրանց առընչությամբ նշվեց, որ այդ խնդիրները նախարարության ուշադրության դաշտում են և լուծումները քննարկվում են:

Հարց բարձրացվեց, որ զբաղվածության տարածքային գործակալություններից, ՔՀԿ համայնքից ներկայացված առաջարկների առընչությամբ չի ապահովվել հետադարձ կապ, հասկանալու համար թե ի՞նչ ճակատագրի են արժանացել: ՔՀԿ համայնքի մեկնաբանությունների ոչ թափանցիկ ընթացակարգը խոչընդոտում է վերջիններիս և որոշում կայացնողներին կանխավ հասկանալու, թե արդյոք նույն հարցի շուրջ ինչպիսի դիրքորոշումներ ու լուծումներ են առաջարկվում, առկա է արդյոք շահերի բախում, ինչը նախարարությանը և որոշում ընդունողներին կխանգարի որոշում կայացնելիս, ինչպես օրինակ զբաղվածության մասնավոր գործակալությունների աշխատանքների խիստ, կամ համեմատաբար ազատական գործունեության իրավունքների ամրագրման խնդիրն է: Միևնույն ժամանա ՔՀԿ համայնքի մեկնաբանությունների ոչ թափանցիկ ընթացակարգը բացասաբար է անդրադառնում նրանց մոտիվացվածության վրա:

Առաջարկվեց, որպեսզի նախարարությունը պատրաստի ՔՀԿ-ների առաջարկների հավաքական ցանկ` դրանց ընդունման կամ մերժման մեկնաբանություններով, որը տեղադրվի նախարարության կայքում, ինչպես նաև օրենքի նախագծի հետ ներկայացվի ՀՀ Կառառավարություն ու ՀՀ Ազգային ժողով:

ՀՀ Աշխատանքի և սոցիալական հարցերի առաջին փոխնախարար պարոն Պետրոսյանը քննարկման եզրափակիչ խոսքում իր գոհունակությունը հայտնեց կառուցողական քննարկման համար և նշեց, որ ոգևորված է ՔՀԿ-ների շահագրգիռ և մասնագիտական մոտեցմամբ, ևս մեկ անգամ հավաստեց, որ ներկայացված և բարձրաձայնված բոլոր այն առաջարկները, որոնք համընկնում են կառավարության քաղաքականությանն ու դրված են պետական ռազմավարական ծրագրերի հիմքում` կարժանանան նախարարության բազմակողմանի քննարկմանը որպես այլընտրանքային լուծումներ:

Ինչ վերաբերվում է վերջին առաջարկին ապա պարոն Պետրոսյանը խոստացավ, որ չնայած իրավական պահանջի բացակայությանը, այս հարցը ևս կքննարկվի նախարարությունում և հնարավորության շրջանակներում կփորձեն ընդառաջել քաղաքացիական հասարակությանը նաև այս առաջարկին:

Ա Ր Ձ Ա Ն Ա Գ Ր ՈՒ Թ Յ ՈՒ Ն 31.05.2013

Admin — Mon, 01 Jul 2013 18:30:44 GMT

«Օրենսդրական գործընթացում առկա մասնակցային համակարգի կիրառելիության և արդյունավետության բարձրացում» ծրագրի շրջանակներում

սույն թվականի մայիսի 31-ին «ԵրՄՄԳՀԻ» ՓԲԸ նիստերի դահլիճում

կայացած ֆոկուս խմբային կլոր սեղան քննարկման

Ա Ր Ձ Ա Ն Ա Գ Ր ՈՒ Թ Յ ՈՒ Ն

Պետական կառույցների հետ համագործակցության «Հանրային ցանցը» համակարգող «Արազա» ԲՀԿ-ը ԱՄՆ ՄԶԳ «Քաունթերփարթ ինթերնեշնլ» հայաստանյան ներկայացուցչության աջակցությամբ իրականացվող «Օրենսդրական գործընթացում առկա մասնակցային համակարգի կիրառելիության և արդյունավետության բարձրացում» ծրագրի շրջանակներում «Հայաստանում օրինաստեղծ գործընթացում առկա մասնակցային համակարգի կիրառելիության և արդյունավետության գնահատման» ամփոփման նպատակով

մայիսի 31-ին, 17.00-18.30 անցկացրեց երրորդ կլոր սեղան քննարկումը:

Կլոր սեղաններին մասնակցում էին ցանցի խորհրդի անդամները և ծրագրի աշխատակազմը` 18 մարդ:

Ֆոկուս խմբային կլոր սեղան քննարկման նպատակն էր ամփոփել «Հայաստանում օրինաստեղծ գործընթացում առկա մասնակցային համակարգի կիրառելիության և արդյունավետության գնահատման» մշակված ու ֆոկուս խմբային նախորդ 2 քննարկման ընթացքում հավաքագրված առաջարկները:

Կլոր սեղանները վարեց «Հանրային ցանցի» համակարգող, ծրագրի քաղաքականությունների փորձագետ Թամարա Աբրահամյանը: Զեկուցողներ` Ծրագրի մոնիթորինգի փորձագետ, CIM փորձագետ Լենարտ Լեհմանը և տեղական փորձագետ Նարինե Մայիլյանը:

Օ Ր Ա Կ Ա Ր Գ

17.00 – 17.05 - Բացման խոսք, քննարկման նպատակի ներկայացում

Ծրագրի քաղաքականությունների մշակման փորձագետ Թամարա Աբրահամյան

17.05 – 17.15 - Հետազոտության արդյունքների ներկայացում

Ծրագրի մոնիթորինգի փորձագետ, CIM փորձագետ

Լենարտ Լեհման

17.15 – 17.25 - Հարց և պատասխան

17.25 – 17.45 - Հետազոտության արդյունքում մշակված առաջարկությունների, ֆոկուս

խմբային քննարկման առաջարկների, դրանց համեմատական վերլուծության

ներկայացում

Ծրագրի մոնիթորինգի փորձագետ Նարինե Մայիլյան

17.45 - 18.30 - Քննարկում, առաջարկությունների ներկայացում

18.30 – 18.45 - Քննարկման ամփոփում

Սուրճի ընդմիջումն` ընթացքում

Թամարա Աբրահամյանը ներկայացրեց "Քաութերփարթ ինթերնեշնլ” կազմակերպության հետ իրականացվող ծրագրի շրջանակներում կատարված հետազոտության և ֆոկուս խմբային կլոր սեղան քննարկման նպատակը: Նշեց նաև ԱԺ-ի և ՀՀ կառավարության/ նախարարությունների կայքերի ամենօրյա մոնիթորինգի իրականացման և վերջիններիս օրակարգում գտնվող օրենքների, ռազմավարական ծրագրերի նախագծերի, դրանց շուրջ կազմակերպվելիք խորհրդարանական լսումների և հանրային քննարկումների ժամանակացույցի մասին տեղեկատվության հավաքագրման և տարածման աշխատանքների մասին`ընդգծելով, որ կայքերի ամենօրյա մշտադիտարկման ընթացքում ծառացած խնդիրները և զարգացման դինամիկան ևս դիտարկման առարկա է եղել և նյութ ծառայել գնահատման համար:

Ծրագրի մոնիթորինգի փորձագետ Լենարտ Լեհմանը ներկայացրեց իրականացված ուսումնասիրության, հետազոտության արդյունքները, պատասխանեցին հարցերի :

Ծրագրի մոնիթորինգի փորձագետ Նարինե Մայիլյանը ներկայացրեց հետազոտության արդյունքում մշակված առաջարկությունները, ինչպես նաև` երկու ֆոկուս խմբային քննարկման առաջարկները, դրանց համեմատական վերլուծությունը: Հարց ու պատասխանից հետո սկսվեցին քննարկումները:

Քննարկման ընթացքում ցանցի խորհրդի անդամ մասնակիցները հանդես եկան հետևյալ առաջարկներով.

1. հետազոտության առաջարկները հարկավոր է բացել, օրինակ` ի՞նչ է նշանակում «լոբինգի ցուցակ»,

2. նշեցին, որ ֆոկուս խմբի մասնակիցների առաջարկները հետազոտության առաջարկներից տարբերվում են նրանով, որ նախորդի տեղայնացված առաջարկ-ներն են և, որոշ դեպքերում, շատ կոնկրետ ու հստակ(օր`. Սփյուռքի նախարարության և ԱԺ-ի կայքում հղում ունենալու կամ պատրաստվող օրենսդրական օրակարգ կայքը ):

3. Առաջարկեցին հետազոտության վերջնական ամփոփման կառուցվածքը դարձնել այնպիսին, որ այդ տրամաբանությունը տեսանելի դառնա և հստակ երևա` օրենսդրի, կառավարության և ՀԿ մակարդակում: Վերջնական նյութն էլ առաջարկեցին ընդլայնված հանրային քննարկման առարկա դարձնել արդեն որոշում կայացնողների հետ:

4. Առաջարկվեց գրություն պատրաստել բոլոր նախարարություններին` ճշտելու համար

 կոնկրետ պաշտոնյաներին, որոնց գործառույթն է համակարգել ՔՀԿ-ների հետ աշխատանքները,

 ՔՀԿ-ներին պատվիրակված ծառայությունների և դրամաշնորհային ծրագրերի տրամադրման ընթացակարգերը,

 քաղաքականությունների մշակման կոլեգիաների գործառույթները,

 քաղաքականությունների մշակման կոլեգիաներում ՔՀԿ-ների ընտրության ընթացակարգերը,

5. կազմակերպել աշխատանքային հանդիպում Սփյուռքի նախարարության հետ` հայեցակարգի մշակման աշխատանքային խմբում առաջադրելով Կարինե Մովսիսյանի և Թամարա Աբրահամյանի ներգրավման հարցը,

6. Առաջարկվեց հետազոտության ամփոփումից հետո պետական կառույցների` որոշում ընդունող ներկայացուցիչների հետ կազմակերպել առաջարկների ընդլայնված հանրային քննարկում:

Ո Ր Ո Շ Վ Ե Ց

1. Հանձնարարել ծրագրի աշխատանքային խմբին առաջարկներն ամփոփելիս առաջնորդվել նաև խորհրդի առաջարկներով:

2. Հանձնարարել Թամարա Աբրահամյանին 5 օրվա ընթացքում պատրաստել նախարարություններին հղվելիք նամակի նախագիծը, ուղարկել խորհրդի անդամներին, վերջիններիս հանձնարարել մեկ շաբաթվա ընթացքում լրացումներ կատարել:

3. Հանձնարարել Թամարա Աբրահամյանին կապվել Սփյուռքի նախարարության հետ` աշխատանքային հանդիպման և աշխատանքային խմբում ներգրավվելու պայմանավորվածություն ձեռք բերելու համար:

4. ԱԺ-ին հղել պաշտոնական գրություն`օրենսդրի մակարդակում անհրաժեշտ փոփոխությունների առաջարկներով:

Թամարա Աբրահամյան

Ցանցի համակարգող/քարտուղար

Ա Ր Ձ Ա Ն Ա Գ Ր ՈՒ Թ Յ ՈՒ Ն 23-24.05.2013

Admin — Mon, 01 Jul 2013 18:28:31 GMT

սույն թվականի մայիսի 23-ին և 24-ին «ԵրՄՄԳՀԻ» ՓԲԸ նիստերի դահլիճում

կայացած ֆոկուս խմբային կլոր սեղան քննարկումների

Ա Ր Ձ Ա Ն Ա Գ Ր ՈՒ Թ Յ ՈՒ Ն

Պետական կառույցների հետ համագործակցության «Հանրային ցանցը» համակարգող «Արազա» ԲՀԿ-ը ԱՄՆ ՄԶԳ «Քաունթերփարթ ինթերնեշնլի» հայաստանյան ներկայացուցչության աջակցությամբ իրականացվող «Օրենսդրական գործընթացում առկա մասնակցային համակարգի կիրառելիության և արդյունավետության բարձրացում» ծրագրի շրջանակներում «Հայաստանում օրինաստեղծ գործընթացում առկա մասնակցային համակարգի կիրառելիության և արդյունավետության գնահատման» ամփոփման նպատակով մայիսի 23-ին և 24-ին 12.00-15.00 անցկացրեց ֆոկուս խմբային երկու կլոր սեղան քննարկում:

Կլոր սեղաններին հրավիրված էին բոլոր նախարարությունների (բացի Պաշտպանության և Արտակարգ իրավիճակների) և Ազգային ժողովի աշխատակազմի անդամներ, այդ թվում նաև` հանրային կապերի պատասխանատուները, խնդրով շահագրգիռ «Հանրային ցանցի» անդամ և գործընկեր կազմակերպությունները: Կլոր սեղանին մասնակցեցին ՀՀ Սփյուռքի, Աշխատանքի և սոցիալական հարցերի, Էկոնոմիկայի, Սպորտի և երիտասարդության, Առողջապահության նախարարության 7, ՀՀ ԱԺ-ի` 2 և ՔՀԿ-ների` 44 ներկայացուցիչ:

Ֆոկուս խմբային կլոր սեղան քննարկման նպատակն էր շահագրգիռ կողմերի մասնակցությամբ ամփոփել «Հայաստանում օրինաստեղծ գործընթացում առկա մասնակցային համակարգի կիրառելիության և արդյունավետության գնահատման» արդյունքներն ու մշակված առաջարկները:

Կլոր սեղանները վարեց «Հանրային ցանցի» համակարգող, ծրագրի քաղաքականությունների փորձագետ Թամարա Աբրահամյանը: Օրակարգը դրվեց քվեարկության և հաստատման: Մայիսի 24-ի քննարկման ժամանակ առաջարկվեց, որպեսզի միջազգային փորձը ներկայացնի CIM փորձագետը, որն իրականացրել էր ուսումնասիրությունը, իսկ համեմատական վերլուծությունը` հայաստանյան փորձագետը: Առաջարկն ընդունվեց, CIM փորձագետը ներկայացրեց իր կատարած ուսումնասիրությունը, ապա պատասխանեց հարցերին:

Օ Ր Ա Կ Ա Ր Գ

12.00 -12.15 - Մասնակիցների գրանցում

12.15 – 12.30 - Բացման խոսք, ծրագրի նպատակի ներկայացում

Ծրագրի քաղաքականությունների մշակման փորձագետ` Թամարա Աբրահամյան

12.30 – 14.00 - Հետազոտության արդյունքների ներկայացում

Ծրագրի մոնիթորինգի փորձագետ` Նարինե Մայիլյան, CIM փորձագետ`

Լենարտ Լեհման

14.00 – 14.15 - Հարց և պատասխան

14.15 – 14.50 - Քննարկում, առաջարկությունների ներկայացում և հավաքագրում

14.50 – 15.00 - Քննարկման ամփոփում

Թամարա Աբրահամյանը ներկայացրեց "Քաութերփարթ ինթերնեշնլ” կազմակերպության հետ իրականացվող ծրագրի շրջանակներում կատարված հետազոտության և ֆոկուս խմբային կլոր սեղան քննարկման նպատակը: Նշեց նաև ԱԺ-ի և ՀՀ կառավարության/ նախարարությունների կայքերի ամենօրյա մոնիթորինգի իրականացման և վերջիններիս օրակարգում գտնվող օրենքների, ռազմավարական ծրագրերի նախագծերի, դրանց շուրջ կազմակերպվելիք խորհրդարանական լսումների և հանրային քննարկումների ժամանակացույցի մասին տեղեկատվության հավաքագրման և տարածման աշխատանքների մասին, ընդգծելով, որ կայքերի ամենօրյա մշտադիտարկման ընթացքում ծառացած խնդիրները և զարգացման դինամիկան ևս դիտարկման առարկա է եղել և նյութ ծառայել գնահատման համար:

Ծրագրի մոնիթորինգի փորձագետներ Նարինե Մայիլյանը և Լենարտ Լեհմանը ներկայացրեցին իրականացված ուսումնասիրության, հետազոտության և համեմատական վերլուծության արդյունքները, պատասխանեցին հարցերի:

Քննարկման ընթացքում մասնակիցներն առաջարկեցին`

1. Ապահովել վերլուծության և քննարկման արդյունքում հավաքագրված առաջարկների ներկայացումը պատկան մարմիններին և կազմակերպել դրանց իրականացման հետագա աշխատանքները,

2. Մշակել պետական կառույցների, այդ թվում նաև` հանրային կապերի բաժինների հետ ՔՀԿ-ների համագործակցության հայեցակարգ: Որպես պիլոտային նախաձեռնություն` մշակման փուլից համագործակցություն սկսել ՀՀ Սփյուռքի նախարարության հետ,

3. Պատրաստել քաղաքականությունների և օրինաստեղծ գործընթացի, այդ թվում նաև` հանրային նախաձեռնությունների մասին մեկ աղբյուրից տեղեկատվություն ստանալու հարթակ,

4. Բարձրացնել հանրային մասնակցության իրավական հիմքերի կիրառման մեխանիզմների բարելավման և մշակույթի ձևավորման, այդ թվում նաև` օրենսդրորեն, և միջազգային ու տեղական այլ իրավական ակտերով սահմանված իրավունքների իրացման հանրային պահանջարկի ձևավորման հարցը` ընդհուպ մինչև Սահմանադրական դատարանում այս իրավունքի իրացման պաշտպանության հայտերով հանդես գալու միջոցով,

5. Բարձրացնել պետական կառույցների կայքերի միասնական ձևաչափի ներդրման և բաժանորդագրության սկզբունքով տեղեկատվություն ապահովելու հարցերը,

6. Բարձրացնել պետական կառույցների հետ ՔՀԿ-ների հովանի կառույցների միջոցով համագործակցության ձևաչափի ներդրման և մշակույթի զարգացման հարցերը,

7. Բարձրացնել պետական կառույցների կայքերում ՔՀԿ-ների հովանի կառույցների (օր`. Բնապահպանական դաշինք, Հանրային ցանց, Մոր և մանկան առողջության դաշինքի և այլն) կայքերին հղումներ անելու հարցը` ըստ ոլորտների,

8. Նշվեց, որ «Արազա» ԲՀԿ-ը ԱՄՆ ՄԶԳ «Քաունթերփարթ ինթերնեշնլի» հայաստանյան ներկայացչության աջակցությամբ իրականացվող ընթացիկ ծրագրի շրջանակներում պատրաստում է «Օրենսդրական օրակարգ» կայքէջը, որի նպատակն է միասնական հարթակում ներկայացնել տեղեկատվություն`ԱԺ-ի և ՀՀ կառավարության/ նախարարությունների օրակարգում գտնվող օրենքների, ռազմավարական ծրագրերի նախագծերի, դրանց շուրջ կազմակերպվելիք խորհրդարանական լսումների և հանրային քննարկումների ժամանակացույցի, ինչպես նաև` հանրային օրենսդրական նախաձեռնությունների ու հետազոտությունների մասին,

9. Առաջարկվեց նաև ստեղծել առցանց ֆորում, որը հնարավորություն կտա օպերատիվ կերպով առցանց քննարկումներ իրականացնել ինչպես նախագծերի, այնպես էլ` հրատապ հանրային կարևորություն ունեցող իրադարձությունների շուրջ, ինչպես, օրինակ, օրերս իրականացվող գազի սակագնի բարձրացման հարցը`ստանալով տեղեկատվություն, կազմակերպելով ստորագրահավաքներ,

10. Մշակել և կիրառել համագործակցության տարբերակված մոտեցում` օրինաստեղծ գործընթացներում մայր օրենքների և առանձին հեղինակային փոփոխությունների մշակման ընթացքում ՔՀԿ-ների ներգրավման համար,

11. Նվազագույնի հասցնել օրենքների հաճախակի փոփոխությունների ընդունման արատավոր մշակույթը, (մասնավորոպես` հարկային, մաքսային, կրթական, սոցիալական ոլորտներում) ինչպես նաև դրանց ընդունումից հետո կիրառման համար սահմանել առնվազն մեկ տարի ժամանակ, որպեսզի օրենքի սուբյեկտները և կիրառողները պատրաստ լինեն դրանց կիրառմանը, այլ ոչ թե հայտնվեն խոցելի վիճակում, որը ծնում է կոռուպցիոն ռիսկեր, խաթարում աշխատանքների կատարման բնականոն ընթացքը,

12. Օրենքների և պետական քաղաքականություններն ամրագրող փաստաթղթերի հանրային քննարկման համար սահմանել ոչ պակաս, քան 15-օրյա ժամկետ` ինչպես սահմանված է կառավարության համար,

13. ԱԺ կանոնակարգ օրենքում`

 պարտադիր պահանջ սահմանել օրենքների նախագծերի հանրային

քննարկման եզրակացությունների փաթեթի առկայությունը,

 ԱԺ նիստերին, հանձնաժողովների նիստերին, խորհրդարանական լսումներին

հանրության մասնակցության ազատականացում /կանխավ գրանցվելուց հետո/,

 ԱԺ քառօրյա նիստերի, հանձնաժողովների նիստերի, խորհրդարանական

լսումների օրակարգի և ժամանակացույցի մասին տեղեկատվության

տրամադրում ոչ պակաս, քան 15 օր առաջ,

14. Փորձագիտական կադրերի վերարտադրողական կարողությունների բարելավման նպատակով միջազգային կազմակերպությունների ուղղորդված քաղաքականության,

15. Օրենքների և պետական քաղաքականություններն ամրագրող փաստաթղթերի

վերաբերյալ երկկողմանի հետադարձ կապի բարելավման մոտիվացիայի բարձրա-

ցում`

 պետական կառույցների կողմից օրենքները և պետական քաղաքականություն-ներն ամրագրող նախագծերը հանրությանը հասանելի դարձնել` օգտագործել ոչ միայն էլեկտրոնային, այլ նաև տեղեկատվական բազմազան միջոցներ, այդ թվում նաև` փոստային, իսկ հովանի կառույցներին ուղարկել էլեկտրոնային փոստով,

 հեռուստատեսային բանավեճեր կազմակերպելով,

 հանրային առաջարկների ընդունման կամ մերժման մասին պատկան

կառույցի եզրակացության ներկայացում հեղինակին,

 կառավարության և ԱԺ-ի հաստատմանը ներկայացվող օրենքների և պետական քաղաքականություններն ամրագրող նախագծերի փաթեթում հանրային առաջարկների ընդունման կամ մերժման մասին պատկան կառույցի եզրակացության ներառում:

Ամփոփելով քննարկումը` նախաձեռնողների և մասնակիցների կողմից

Ո Ր Ո Շ Վ Ե Ց

1. «Հայաստանում օրինաստեղծ գործընթացում առկա մասնակցային համակարգի կիրառելիության և արդյունավետության գնահատման» արդյունքներն ու մշակված առաջարկները գնահատել որպես բոլոր կողմերի համար պահանջված, կարևոր և օգտակար, ներկայացված ու քննարկման ընթացքում բարձրացված առաջարկները դիտարկել արդիական և առաջիկայում բոլոր կողմերի համար միանգամայն իրատեսորեն ենթակա կիրառելիության, մասնավորապես, եթե համապատասխան կառույցների համար մշակվի և ներկայացվի առանձնացված կոնկրետ առաջարկների փաթեթ` հեռահար/օրենսդրական, կիրառման կարգերի, ընթացիկ/տեխնիկական և կազմակերպական մակարդակի փոփոխությունների առաջարկներով:

2. Կլոր սեղանի արձանագրությունը ուղարկել մասնակիցներին եռօրյա ժամկետում` հաստատման և լրացումների համար, ապա առաջարկել «Հանրային ցանցի» խորհրդին փորձագիտական խմբի հետ համատեղ կազմել համապատասխան առաջարկների փաթեթը և մեկամսյա ժամկետում դրանք ներկայացնել պատկան կառույցների քննարկմանը:

3. Առաջարկել «Հանրային ցանցին» հետևողական լինել ներկայացված առաջարկների ընդունման և այդ մասին տեղեկատվության տարածման գործում նույնիսկ ծրագրի ավարտից հետո` ամենամսյա կամ եռամսա պարբերականությամբ:

4. Առաջարկել «Հանրային ցանցին» կապ պահպանել ՀՀ Սփյուռքի նախարարության հանրային կապերի և իրավաբանական բաժինների հետ` Նախարարության և ՔՀԿ-ների միջև համագործակցության Հայեցակարգի մշակման գործընթացում ներգրավվելու և այդ փորձը մյուս նախարարություններում տարածելու նպատակով:

Թամարա Աբրահամյան

Ցանցի համակարգող/քարտուղար

Կլոր սեղանի վարող

Արձանագրություն 18.04.2013

Admin — Mon, 13 May 2013 20:01:58 GMT

Կլոր սեղան քննարկումների

ԱՄՓՈՓՈՒՄ

Սույն թվականի ապրիլի 18-ին և ապրիլի 26-ին «ԵրՄՄԳՀԻ» ՓԲԸ-ի (Մերգելյան) նիստերի դահլիճում տեղի ունեցան կլոր սեղան քննարկումներ` ԵՄ-Հայաստան ԵՀՔ գործողությունների ծրագրի շրջանակներում` "Տարածքային զարգացման և սոցիալական ծառայությունների ծրագրերի ներդրման” և "Տարածքային անհավասարությունների նվազեցմանն ու սոցիալ-տնտեսական ներդաշնակության ապահովմանն” ուղղված բարեփոխումների արդյունքների վերաբերյալ:

Քննարկման թեմաներն էին`

Ø Եվրոպական չափանիշերին համապատասխան տեղական ինքնակառավարման, ներառյալ` համայնքային ծառայությունների ինստիտուտների ամրապնդումը

Ø Վարչական կառույցների և ընթացակարգերի ամրապնդմամբ բնապահպանական խնդիրների ռազմավարական պլանավորումը և շահագրգիռ մարմինների գործունեության համակարգման ապահովումը

Ø Շրջաններում ձեռներեցության ընդլայնումը

Ø Գործարար միջավայրի բարելավումը, մասնավորապես ՓՄՁ զարգացումը

Ø Գյուղատնտեսության ոլորտում բարեփոխումների գործադրման արդյունավետությունն առևտուրն ավելացնելու համար:

Կլոր սեղանն անցկացվեց «Հանրային ցանցը» համակարգող «Արազա» ԲՀԿ-ի կողմից` ԱՄՆ Դեսպանատան աջակցությամբ իրականացվող «Բարձրացնել ՔՀԿ-ների մասնակցությունը եւ ազդեցությունը ժողովրդավարական որոշումների կայացման գործընթացներին, որպեսզի երաշխավորեն արդար, սոցիալական եւ տնտեսական զարգացումը Հայաստանում» ծրագրի շրջանակներում: Քննարկման համար հրավիրված էին և իրենց մասնակցությունն էին հաստատել ՀՀ Տարածքային կառավարման, Աշխատանքի և սոցիալական հարցերի, Էկոնոմիկայի նախարարությունների համապատասխան վարչությունների և գերատեսչու-թյունների 3-4 ներկայացուցիչ, ԱԺ համապատասխան մշտական հանձնաժողովների ու խմբակցությունների պատգամավորներ ու փորձագետներ, Երևանի քաղաքապետարանը, լրատվամիջոցներ և Հանրային ցանցի համապատասխան հանձնախմբերի անդամ կազմակերպություններ:

Քննարկմանը մասնակցեց 72 մարդ, որոնցից 32-ը` «Հանրային ցանցի» անդամ, 5-ը` միջազգային կազմակերպության, Արագածոտնի, Արարատի մարզպետարանների և Երևանի համատիրություների` 9, լրատվամիջոցների` 4, պետական կառույցների` 14 ներկայացուցիչ և 8 ուսանող:

Կլոր սեղանի նպատակն էր`

Ծանոթանալ ԵՄ-Հայաստան ԵՀՔ 2007-2010թթ. գործողությունների պլանի շրջանակում իրականացված բարեփոխումների արդյունքներին

1. Ծանոթանալ ԵՄ-Հայաստան ԵՀՔ 2011-2013թ. գործողությունների պլանի ընթացքին և զարգացումների միտումներին

2. Ստացված տեղեկատվության և քննարկումների արդյունքների հիման վրա հստակեցնել այս գործընթացներում ցանցի մասնակցության մարտավարությունը, ինչպես նաև ՀԶԾ նախագծի աշխատանքային խմբին և կառավարությանը հղվելիք առաջարկները

Քննարկման ընթացքում Եվրոպական չափանիշերին համապատասխան տեղական ինքնակառավարման, ներառյալ` համայնքային ծառայությունների ինստիտուտների ամրապնդմանն ուղղված բարեփոխումների մասին, մասնավորապես օրենսդրական մակարդակում, այդ թվում նաև հանրային և համայնքային ծառայողների պաշտոնների դասակարգման, տեղեկատվական բազաների ստեղծման և դրանց արդյունքում ակնկալվող դրական զարգացումների մասին զեկույցներով հանդես եկան ՀՀ Տարածքային նախարարությունից` Աննա Իվանյանը, Կարեն Բակոյանը, ՀՀ ԱԺ-ի տարածքային կառավարման հարցերի մշտական հանձնաժողովի փոխնախագահ Արայիկ Հովհաննիսյանը, Աշխատանքի և սոցիալական հարցերի Ազգային ինստիտուտի տնօրեն Գառնիկ Նալբանդյանը: Վերջիններս տվեցին մանրամասն տեղեկատվություն` տարածքային կառավարման, համայնքների խոշորացման, համայնքային ծառայությունների որակի բարելավման, տարածքային համաչափ զարգացման, ժողովրդավարական կառավարման ինստիտուցիոնալ համակարգի, համայնքների ինքնուրույնության և տնտեսական անկախության երաշխիքների ստեղծմանն ուղղված օրենսդրական բարեփոխումների, այդ թվում նաև ԱԺ հաստատմանը ներկայացված մեկ տասնյակին հասնող օրենսդրական փոփոխությունների ու լրացումների նախագծերի մասին: Նշվեց, որ կառավարության օրակարգում հաստատման են դրված ոլորտի տարածքային կառավարման և համաչափ զարգացման պետական ռազմավարության/հայեցակարգի, հանրային և համայնքային ծառայությունների պաշտոնների դասակարգման իրավական ակտի նախագծերը: Այդ թվում զուգահեռ ձևավորվում է էլեկտրոնային միասնական տվյալների բազան, բարելավվում և ընդլայնվում են զբաղվածության ակտիվ ծրագրերը և դրանց մշակման ու իրականացման գործընթացում համայնքի, պետական գործակալությունների, համայնքային ՔՀԿ ներկայացուցիչների միջև խորանում է սոցիալական գործընկերությունը:

Քննարկման մասնակիցները հարց բարձրացրեցին համայնքների տնտեսական անկախությանը խոչընդոտող, ժողովրդավարական կառավարման ֆորմալ մակարդակի, ինչպես նաև սրացող անհամաչափ զարգացման հիմնախնդիրների մասին: Նշեցին նաև, որ համայնքների արդյունավետ կառավարման համար մի քանի տարի առաջ ՀՀ-ում շրջանառվել է միջհամայնքային միավորների ձևավորման մոդելի կիրառման գաղափարը, որի ուղղությամբ նախատեսված էին պիլոտային ծրագրեր: Արդյո՞ք այդ ծրագրերը փորձարկում և ազդեցության գնահատում անցել են, կատարվե՞լ է նոր մոդելի հնարավորությունների համեմատական վերլուծություն և վերջինս Հայաստանի համար ճանաչվե՞լ է ավելի արդյունավետ: Եթե ոչ, ապա արդյո՞ք նպատակահարմար չէ համակարգային փոփոխություն իրականացնելուց առաջ զուգահեռաբար փորձարկվեն երկու մոդելները, իրականացվի դրանց ազդեցության գնահատում և համեմատական վերլուծություն և միայն դրանց արդյունքների հիման վրա կատարվի ՀՀ-ում համայնքային արդյունավետ կառավարման նոր մոդելի ընտրություն:

Հարց բարձրացվեց նաև այն մասին, թե ինչո՞ւ Տարածքային կառավարման նախարարությունը չի վարում համայնքների համաչափ զարգացմանը նպաստող քաղաքականություն, չեն մշակվում և իրականացվում համարժեք ծրագրեր, չի ապահովվում միջազգային կազմակերպությունների կողմից այս ոլորտում իրականացվող ծրագրերի համակարգում և համապատասխանեցում, մշտադիտարկում և ազդեցության գնահատում:

Արդյո՞ք Տարածքային կառավարման նախարարությունը ՀԶԾ նախագծի ոլորտային բաժնում առաջարկել է ամրագրել ոլորտի զարգացմանն ուղղված ռազմավարական ծրագրերը, դրանց արդյունքային ցուցանիշները և մասնավորապես տարածքային համաչափ զարգացման ռազմավարությունը, որն այսօր օրակարգային հարց է ինչպես աղքատության նվազեցման, այնպես էլ` ժողովրդագրության և ազգային անվտանգության տեսանկյունից:

ՔՀԿ-ների ներկայացուցիչներն առաջարկեցին, որ կառավարությունը վերանայի համատիրությունների միջոցով

բազմաբնակարան շենքերի կառավարման գործող համակարգը և այն վերադարձնի ՏԻՄ-երի,

քաղաքապետարանների կառավարման դաշտ:

Քննարկումներին «Գործարար միջավայրի բարելավումը, մասնավորապես ՓՄՁ զարգացումը» զեկույցներով

հանդես եկան` ՀՀ Էկոնոմիկայի նախարարության ՓՄՁ վարչությունից Գայանե Մելիքսեթյանը, Երևանի

քաղաքապետարանից` Տատյանա Մարկարյանը: Առաջինը, խոսելով ՓՄՁ զարգացման հիմնադրամ ՊՈԱԿ-ի

կողմից իրականացվող ծրագրերի մասին, շեշտեց, որ մասնավորապես վերապատրաստման, խորհրդատվական և

պետական երաշխիքով վարկերն ուղղորդվում են մարզային ձեռներեցության զարգացմանը, ավելին, նշեց, որ այս

տարի նախատեսվում է նոր ծրագիր, որն ուղղորդվելու է տարածաշրջանում նույնատիպ կուլտուրաների մշակման

և վերամշակման տնտեսությունների զարգացմանը:

Քաղաքապետարանի աշխատանքներից օրակարգային հարցերի շրջանակում քաղաքապետարանը նպատակահարմար էր գտել զեկուցել ոչ թե իրականացված, այլ պլանավորման գործընթացում գտնվող ներդրումային ծրագրի մասին, որն ուղղորդվելու է համայնքային զարգացման ծրագրերի իրականացման գործընթացում փոխշահավետ հիմունքներով բիզնես համայնքի ներգրավմանը:

ՓՄՁ ոլորտին վերաբերող երկու զեկույցներն էլ կրում էին ավելի շատ տեղեկատվական, քան` հաշվետու և վիճակագրական բնույթ, ուստի քննարկումը ևս խորը մասնագիտական ուղղվածություն չունեցավ, մնացին բազմաթիվ անպատասխան հարցեր:

Մասնավորապես, հարց բարձրացվեց, որ հաշվետվողականության թափանցիկության ցածր մակարդակով կամ ֆինանսատնտեսական ճգնաժամով պայմանավորված ձևավորվել է կարծիք, որ 2010-2012թթ-ի ընթացքում 2007-2009թթ-ի համեմատությամբ ՓՄՁ ծրագրերի ծավալն անկում է ունեցել: Միևնույն ժամանակ հարց բարձրացվեց, թե արդյո՞ք նախարարությունը մշակել է ԵՄ Հայաստան ԵՀՔ 2011-2013թթ. Ազգային ինդիկատիվ ծրագիր` ուղղված

Ø Շրջաններում ձեռներեցության ընդլայնմանը

Ø Գործարար միջավայրի բարելավմանը, մասնավորապես ՓՄՁ զարգացմանը

Ø Գյուղատնտեսության ոլորտում բարեփոխումների գործադրման արդյունավետությանն ու առևտրի ավելացմանը

Ø Շրջաններում աշխատանքի տեղավորման հնարավորությունների ավելացմանն ուղղված քաղաքականության ապահովման ծրագրեր կամ համապատասխան իրավական ակտեր և արդյո՞ք դրանք ամրագրված են ՀԶԾ փաստաթղթում:

Թեպետև կլոր սեղանների հրավերը պատկան կառույցներին հղվել էր մեկ ամիս առաջ` օրակարգը և ժամանակացույցը համատեղ մշակելու առաջարկով, առնվազն երկու շաբաթ առաջ ստացվել էր մասնակցության հաստատումն ու մասնակիցների կազմը, որոնց հետ հեռախոսակապով համաձայնեցվել է կլոր սեղանի օրակարգը, այնուամենայնիվ, ոչ բոլոր պաշտոնյաները ներկա գտնվեցին կլոր սեղանին, ինչպես նաև ոչ բոլոր մասնակիցներն էին օրակարգին համարժեք տեղեկացված ու պատրաստված: Այդ իսկ պատճառով քննարկված թեմաները ցանկալի խորությամբ չընթացան, իսկ օրակարգի փոփոխության այդյունքում մենք չունեցանք քննարկում հետևյալ թեմաների շուրջ.

Ø Շրջաններում ձեռներեցության ընդլայնումը

Ø Գյուղատնտեսության ոլորտում բարեփոխումների գործադրման արդյունավետությունն` առևտուրն ավելացնելու համար:

Քննարկման ընթացքում ազգային փոքրամասնությունների ներկայացուցիչների շահերի պաշտպանության հարցադրմամբ խոսեց «Ասորիների միջազգային միության» նախագահ Իրինա Գասպարյանը: Վերջինս նշեց, որ նախարարությունների, կառավարության և ԱԺ-ի կայքերում ռուսալեզու տեղեկատվության բացակայությունը խախտում է հասարակության 3% կազմող ռուս, լեհ, հրեա, հույն, ուկրաինացի և այլ ազգային փոքրամասնություն հանդիսացող հայաստանի քաղաքացիների, այդ թվում նաև Ադրբեջանից բռնագաղթած փախստականների իրազեկվածության իրավունքը, նպաստում նրանց մեկսուսացվածությանն ու օտարմանը հանրային կյանքից, դարձնում է նրանց մարգինալ խմբեր:

Քննարկման ողջ ընթացքում ՔՀԿ-ների կողմից անդրադարձ էր արվում նույն հիմնա հարցին, որ կառավարությունը լիարժեք պատրաստ չէ մասնակցային ժողովրդավարական կառավարմանը, որ կառավարության և քաղաքացիական հասարակության ընկալումներն այս հարցի վերաբերյալ խիստ տարբեր են` անկախ ընդունված և ընդունվող առաջադեմ օրենքներից ու բազմաթիվ իրավական ակտերից: Պետական կառույցները ոչ միայն հաշտվել են բացառապես երկխոսության ֆորմատի հետ, այլև գերադասում են, որ նախաձեռնությունը բխի պետական կառույցի կողմից, հատկապես նաև շեշտադրելով, որ ՔՀԿ-ները չպետք է մոռանան, որ իրենց առաջարկները կրում են բացառապես խորհրդատվական բնույթ:

Քննարկումներն ամփոփելով` որոշվեց հղել համապատասխան ուղերձներ կլոր սեղանին հրավիրված և մասնակցած բոլոր շահագրգիռ կողմերին:

ՈՒՂԵՐՁ

ՀՀ Կառավարությանը

1. 2013-2025թթ. երկրի Հեռահար Զարգացման Ծրագրում ամրագրել ԵՄ Հայաստան ԵՀՔ 2011-2013թթ. Ազգային ինդիկատիվ ծրագրի համապատասխան ոլորտային քաղաքականությունների իրականացումը երաշխավորող ռազմավարական ծրագրեր` հստակ արդյունքային ցուցանիշներով:

2. Նախարարությունների և քաղաքապետարանների կայքերում տեղադրել համապարփակ տեղեկատվություն ԵՄ-Հայաստան ԵՀՔ 2011-2013թ. գործողությունների պլանի համաձայն ոլորտում իրականացվող, այդ թվում նաև` միջազգային կազմակերպությունների ծրագրերի մասին, ինչպես նաև մոնիթորինգի արդյունքներն ու հաշվետվությունները, այդ թվում` հայերենով և ռուսերենով:

3. ՀՀ Տարածքային կառավարման, Էկոնոմիկայի նախարարությունները և քաղաքապե-տարանները պետք է

ü համակարգեն և մոնիթորինգի ենթարկեն ոլորտում իրականացվող ծրագրերն, այդ թվում նաև` միջազգային կազմակերպությունների կողմից,

ü նպաստեն միջազգային, ազգային և տեղական մակարդակներում մշակվող և իրականացվող ծրագրերի ներդաշնակեցմանն ու շղթայական կապի պահպանմանը,

ü նպաստեն միջազգային, պետական, համայնքային ու ներդրումային միջոցների մոբիլիզացմանն ու արդյունավետ կառավարմանը

ü ապահովեն հանրային մասնակցություն ծրագրերի մշակման, այլ ոչ թե դրանց հաստատումից հետո` իրազեկման փուլում:

4. Ձեռնարկել քայլեր հանրային ժողովրդավարական կառավարման և քաղաքացիական հասարակության հետ երկխոսության կայացման պետական քաղաքականության` վավերացված միջազգային ակտերի և ընդունված օրենքների կիրառման և մշակույթի մակարդակը:

ՈՒՂԵՐՁ

ՀՀ Ազգային Ժողովին

1. ՀՀ Ազգային ժողովի Եվրոպական, Տարածքային կառավարման, Տնտեսական Սոցիալական հարցերի մշտական հանձնաժողովները պետք է դիտարկեն օրենքների նախագծերը` ելնելով ԵՄ-Հայաստան ԵՀՔ գործողությունների պլանի, ՀԶԾ ոլորտի զարգացման ռազմավարական ծրագրի իրականացման իրավական երաշխիքների ապահովման և եվրոպական օրենսդրության ներդաշնակեցման տեսանկյունից:

2. Ընդունեն այնպիսի օրենքներ, որոնք երաշխավորում են անհրաժեշտ իրավական հիմքեր` փորձարկված և ազդեցության գնահատում անցած համակարգերի ներդրման համար:

3. Բարձրացնել օրենքների ընդունման գործընթացում հանրային մասնակցության մակարդակը` բարելավելով առկա ինստիտուցիոնալ համակարգը և մշակույթը:

4. Բարելավել տեղեկատվության փոխանակման և վաղաժամ հանրային իրազեկման ներկա ընթացակարգերը:

ՈՒՂԵՐՁ

ՔՀԿ համայնքին

1. Նպաստել հանրային իրազեկվածության բարձրացմանը

2. Ներգրավվել ոլորտում իրականացվող ծրագրերի և քաղաքականության ազդեցության գնահատման մոնիթորինգի աշխատանքներում, այդ թվում` իրականացնել անկախ հետազոտություններ:

3. Ներգրավվել երկրում ժողովրդավարական կառավարման մշակույթի ձևավորմանը:

Նպաստել պետական կառույցների և քաղաքացիական հասարակության կողմից մասնակ-ցային կառավարման ներդաշնակ ընկալման ձևավորմանն ու որոշումների ընդունման գործընթացում հանրային մասնակցության միասնական առցանց հարթակի ստեղծմանը:
Նշվեց, որ կազմակերպական աշխատանքների ընթացքում արձանագրվել է պետական կառույցների կողմից «Տեղեկատվության մասին» ՀՀ օրենքի կիրառման խախտումներ, գործավարական ընթացակարգում տեղեկատվության փոխանակման խնդիրներ:

Արձանագրություն 12.04.2013

Admin — Thu, 09 May 2013 11:14:35 GMT

Կլոր սեղան քննարկման ամփոփում

Սույն թվականի ապրիլի 12-ին, «ԵրՄՄԳՀԻ» ՓԲԸ-ի (Մերգելյան) նիստերի դահլիճում տեղի ունեցավ կլոր սեղան ԵՄ-Հայաստան ԵՀՔ "Աշխատաշուկայի պահանջարկի և կրթական ծրագրերի միջև ներդաշնակության ապահովման” շրջանակում իրականացված բարեփոխումների, այդ թվում նաև` օրենսդրական, կիրարկման արդյունքների քննարկման նպատակով:

Քննարկմանը մասնակցեցին «Հանրային ցանցի» անդամ 12 կազմակերպություն, միջին մասնագիտական և արհեստակցական, բուհական կրթության հաստատության 28 ներկայացուցիչ, ՀՀ Կրթության նախարարության աշխատակազմի ՆՄՄԿ վարչության մասնագիտական կրթության և ուսուցման բաժնի պետը, ՀՀ Աշխատանքի և սոցիալական հարցերի նախարարության Ազգային ինստիտուտ ՊՈԱԿ-ի տնօրենը, «Հանրապետական Զբաղվածության գործակալության» ծառայության ծրագրերի բաժնի պետը, Տեմպուս ծրագրի ազգային գրասենյակի համակարգողը:

Կլոր սեղանի նպատակն էր`

1. Ներկայացնել ԵՄ-Հայաստան ԵՀՔ 2007-2010թթ. գործողությունների պլանի շրջանակում "Աշխատաշուկայի պահանջարկի և կրթական ծրագրերի միջև ներդաշնակության ապահովման” համար իրականացված բարեփոխումները, այդ թվում նաև օրենսդրական, կիրառման արդյունքները`

Ø միջին մասնագիտական

Ø բուհական կրթության

Ø աշխատաշուկայում գործազուրկների մրցունակության բարձրացման,

Ø քաղաքականությունների, օրենսդրական և կառավարման համակարգերի բարեփոխումները

2. Ներկայացնել կրթության ոլորտի քաղաքականությունների և ռազմավարական զարգացման միտումները ԵՄ-Հայաստան ԵՀՔ 2011-2013թ. գործողությունների պլանի համաձայն:

3. Ներկայացնել կրթական հաստատությունների փորձառությունն իրականացված ծրագրերի, այդ թվում նաև` «TEMPUS» ծրագրի շրջանակներում:

4. Ստացված տեղեկատվության և քննարկումների արդյունքների հիման վրա մշակել և ներկայացնել ուղերձներ պատկան կառույցներին, ինչպես նաև առաջարկներ ՀԶԾ նախագծի աշխատանքային խմբին և կառավարությանը:

Համաձայն ՀՀ Կրթության նախարարության աշխատակազմի ՆՄՄԿ վարչության մասնագիտական կրթության և ուսուցման բաժնի պետի զեկույցի` ակնհայտ դարձավ, որ ոլորտում արձանագրվել է նկատելի առաջընթաց: ՀՀ-ում գործում է նախնական մասնագիտական(արհեստագործական) և միջին մասնագիտական հարյուրից ավելի հաստատություն, ինչպես նաև ԲՈՒՀ-երում իրականացվում են ՆՄՄԿ ծրագրեր, որոնք իրենց ուսանողներին ընդհանուր միջնակարգ կրթությունը շարունակելու հետ միասին մասնագիտական պատրաստվածություն և որակավորում ստանալու հնարավորություն են տալիս: Միևնույն ժամանակ արձանագրվեց, որ իրականացվել են լուրջ քայլեր կրթահամակարգի այս օղակների կառավարման համակարգերը եվրոպական չափանիշերին համապատասխանեցման ու միջազգային ասպարեզում դրանց մրցունակության բարձրացման ուղղությամբ: Որպես լուրջ ձեռքբերում նշվեց ՄԿՈՒ ոլորտում սոցիալական գործընկերության ինստիտուտի ներդրման, ինչպես նաև ոլորտում անվճար ուսուցման ծավալի աճի շարունակական միտումը, կրթական ծրագրերի բարելավումն ու նախնական, միջին, բարձրագույն և շարունակական կրթության որակի բարձրացմանն ուղղված ծրագրերի իրականացումը:

«Զբաղվածության պետական գործակալություն» ծառայության ծրագրերն` ուղղված աշխատաշուկայում անմրցունակ երիտասարդ մասնագետների աշխատանքի տեղավորմանը, նույնպես հուսադրող հնչեցին, մասնավորապես շուկայի համապատասխանեցման և գործատուի մոտիվացվածության բարձրացման տեսակետից օրենսդրական բարեփոխումների և պետական ծրագրերի շրջանակի ընդլայնման տեսանկյունից, որոնցից շատերը դեռ բարելավման ընթացքում են: Դրանցից կարևորվեց երկու տարուց ավելի աշխատանք չգտած, աշխատանքային ստաժ ձեռք բերելու միջոցով աշխատաշուկայում մրցունակությունը բարձրացնելու` UNDP–ի կողմից իրականացվող պիլոտային ծրագիրը, որը 2013թ-ից շարունակվում է պետական բյուջեի միջոցներով:

Հայաստանում Տեմպուս ծրագրի ազգային գրասենյակի համակարգող Լանա Կառլովան ներկայացրեց, որ սկսած 90-ական թվականններից ՀՀ-ում «TEMPUS»-ի շրջանակներում Հայաստանի բուհերի կողմից իրականացված 57 ծրագրի մասին, որոնց նպատակն է եղել աջակցել Բոլոնիայի գործընթացին, նպաստել հաստատության կառավարման, ուսուցման նոր համակարգի անցմանը, այդ թվում նաև "Աշխատաշուկայի պահանջարկի և կրթական ծրագրերի միջև ներդաշնակության ապահովմանը”:

Երևանի Պետական համալսարանը և Պոլիտեխնիկական համալսարանը ներկայացրեցին այս համատեքստում իրենց կողմից իրականացված և իրականացվող ծրագրերն ու քաղաքականությունը` նշելով ձեռքբերումները մասնավորապես կարիերայի կենտրոնների ստեղծման և շարունակական գործունեության կազմակերպման շրջանակներում: Միաժամանակ նշեցին բուհի և արտադրության/գործատուների միջև ձևավորված ֆորմալ սոցիալական գործընկերության և դրա շրջանակում լուրջ զարգացման բացակայության, սահմանափակ ֆինանսական աղբյուրների, նախարարության և կառավարության կողմից ոլորտի գործունեության թույլ համակարգման և խրախուսող քաղաքականության բացակայության մասին:

Քննարկման մասնակիցները զեկույցներից, հարց ու պատասխաններից հետո արձանագրեցին, որ`

Ø Նախարարությունների թափանցիկ գործունեության, հաշվետվողականության և գործավարական ընթացակարգերը ցածր մակարդակի վրա են, խախտվում են «Տեղեկատվության մասին» ՀՀ օրենքով սահմանված ժամկետները,

Ø որոշ պաշտոնյաներ, անկախ նախարարի հանձնարարականից, չեն ապահովում հետադարձ կապ, խուսափում են ՔՀԿ-ների նախաձեռնությամբ իրականացվող հանրային քննարկումների մասնակցությունից:

Թեմատիկ քննարկման համատեքստում արձանագրվեց, որ "Աշխատաշուկայի պահանջարկի և կրթական ծրագրերի միջև ներդաշնակության ապահովման”, ինչպես նաև ընդհանրապես կրթության ոլորտի զարգացմանը խոչընդոտող խնդիրներից են`

Ø ոլորտում իրականացվող միջազգային և պետական ծրագրերի համապատասխանեցման, համակարգման ցածր մակարդակը կամ բացակայությունը,

Ø իրականացվող ծրագրերի թափանցիկության, մոնիթորինգի/վերահսկման, հաշվետվողականության, ազդեցության գնահատման և դրանց հիման վրա անցումային ծրագրերի կամ արդյունավետ մոդելների ընտրության բացակայությունը,

Ø պատասխանատու պաշտոնյաների և քաղաքացիական հասարակության իրազեկվածության, ուստի և մասնակցության արդյունավետության ցածր մակարդակը,

Ø պետական կառույցների և ՔՀԿ-ների միջև տեղեկատվական հոսքերի փոխանակման ցածր մակարդակը,

Ø գործատուների և կրթական հաստատությունների միջև փոխշահավետ սոցիալական գործընկերության ինստիտուցիոնալ համակարգի և մշակույթի, դրա խթանմանը նպաստող պետական քաղաքականության, ինչպես նաև օրենսդրության բացակայությունը:

Մասնակիցներն, ամփոփելով քննարկումը, եզրահանգեցին, որ անհրաժեշտ է մշակել և ներկայացնել համապատասխան ուղերձներ պատկան կառույցներին և շահագրգիռ կազմակերպություններին:

ՈւՂԵՐՁ

ՀՀ Կառավարությանը

1. 2013-2025թթ. երկրի Հեռահար Զարգացման Ծրագրում ամրագրել համապատասխան քաղաքականություն, որը որոշակի արտացոլված էր ԿԶԾ-ում և դուրս է մնացել ՀԶԾ նախագծից:

2. Նախարարության կայքում տեղադրել տեղեկատվություն ԵՄ-Հայաստան ԵՀՔ 2011-2013թ. գործողությունների պլանի համաձայն ոլորտում իրականացվող, այդ թվում նաև միջազգային կազմակերպությունների ծրագրերի մասին, ինչպես նաև մոնիթորինգի արդյունքներն ու հաշվետվությունները:

3. ՀՀ կրթության և գիտության նախարարությունը պետք է

ü համակարգի և մոնիթորինգի ենթարկի կրթության ոլորտում միջազգային կազմակերպությունների կողմից իրականացվող ծրագրերը,

ü նպաստի միջբուհական և միջին մասնագիտական արհեստագործական կրթական հաստատությունների փորձի փոխանակման կոնֆերանսների կազմակերպմանը,

ü բացահայտված միասնական խնդիրների քննարկմանը և դրանց լուծմանն ուղղված աշխատանքային կլոր սեղան քննարկումների կազմակերպմանը:

4. Բարձրացնել հանրային ժողովրդավարական կառավարման և քաղաքացիական հասարակության հետ երկխոսության կայացման պետական քաղաքականության կիրառման վերահսկողությունը և մշակույթի կիրառման մակարդակը:

5. Պարզեցնել միջին մասնագիտական, արհեստագործական և բարձրագույն կրթության հաստատությունների կողմից իրենց կանոնադրության համաձայն ֆինանսական մուտքերն ապահովող աղբյուրների ընդլայնման համար սահմանված մեխանիզմների կիրառման ընթացակարգերը:

ՈւՂԵՐՁ

ՀՀ Ազգային Ժողովին

1. ՀՀ Ազգային ժողովի Եվրոպական, Կրթության, գիտության, մշակույթի, սպորտի և երիտասարդության, սոցիալական հարցերի հանձնաժողովները պետք է դիտարկեն օրենքների նախագծերը` ելնելով ԵՄ-Հայաստան ԵՀՔ գործողությունների պլանի և ՀԶԾ ոլորտի զարգացման ռազմավարական ծրագրի իրականացման իրավական երաշխիքների ապահովման տեսանկյունից:

2. Ընդունեն այնպիսի օրենքներ, որոնք կխրախուսեն գործարարներին ներդրումներ կատարել կրթական համակարգում կամ ձեռնարկությունների ռազմավարական ծրագրերում ամրագրեն սոցիալական կորպորատիվ պատասխանատվության բաղադրիչ, մասնավորապես ուղղված կրթական ոլորտի զարգացումների աջակցմանը:

Բարձրացնել օրենքների ընդունման գործընթացում հանրային մասնակցության և երկխոսության կայացման պետական քաղաքականության կիրառման վերահսկողությունը և մշակույթի կիրառման մակարդակը:

Արձանագրություն

Admin — Fri, 12 Apr 2013 13:04:12 GMT

Արձանագրություն

Ս.թ. մարտի 29-ին «Անի» հյուրանոցի «Նաիրի» դահլիճում տեղի ունեցավ «Հանրակրթության մասին ՀՀ օրենքում փոփոխություն կատարելու մասին» օրենքի նախագծի հանրային քննարկումը, որի կազմակերպիչը Պետական կառույցների և Ազգային ժողովի հետ համագործակցության «ՀԱՆՐԱՅԻՆ ՑԱՆՑ»-ն էր` ի դեմս «Արազա» ԲՀԿ-ի:

Ցանցը համակարգող «Արազա» ԲՀԿ-ն ԱՄՆ ՄԶԳ «Քաունթերփարթ ինթերնեշնլ» կազմակերպության աջակցությամբ իրականացվող «Օրենսդրական գործընթացում առկա մասնակցային համակարգի կիրառելիության և արդյունավետության բարձրացում» ծրագրի շրջանակներում` ծրագրի աշխատակազմը, Ցանցի կրթության, գիտության, մշակույթի, երիտա-սարդության եւ սպորտի հարցերի հանձնախմբի փորձագիտական խումբը կանխավ`

§ իրականացրել են օրենքի նախագծի հանրային փորձաքննություն,

§ բարձրացրել օրենքի հստակ ընկալմանը և կիրառելիությանը խոչընդոտող հարցեր, դիտարկումներ,

§ դրանց վերաբերյալ պարզաբանումներ ստանալու, ինչպես նաև հանրային քննարկման առաջարկով, Ցանցի հարցադրումներն ու դիտարկումները կից գրությամբ ներկայացվել են ՀՀ Կրթության և գիտության նախարարություն, ՀՀ ԱԺ կրթության, գիտության, մշակույթի, երիտասարդության եւ սպորտի հարցերի մշտական հանձնաժողովի, ՀՀ ԱԺ խմբակցություններին,

§ օրենքի նախագիծը, ցանցի կողմից արված համեմատական վերլուծության նյութերը և քննարկման մասնակցության հրավերը ուղարկվել էին նաև քննարկման թիրախ լսարանին, այսինքն օրենքի սուբյեկտներին, շուրջ 300 կազմակերպության, որոնցից արձագանքել էին մոտ 70 կրթական հաստատություն և կազմակերպություն:

Օրենքի նախագծի հանրային քննարկմանը մասնակցում էին ՀՀ Կրթության և գիտության նախարարության իրավաբանական վարչության պետի տեղակալ Ալեքսանյան Կարինեն և հատուկ կրթության բաժնի գլխավոր մասնագետ Անահիտ Մուրադյանը, ՀՀ ԱԺ կրթության, գիտության, մշակույթի, երիտասարդության եւ սպորտի հարցերի հանձնաժողովների ղեկավար և ՀՀ ԱԺ Հանրապետական, ՀՅԴ, Ժառանգություն, Բարգավաճ Հայաստան խմբակցությունների պատգամավորներ` Ռուզաննա Մուրադյանի, Աղվան Վարդանյանի, Ռուբեն Հակոբյանի, Նաիրա Զուրաբյանի օգնականները, զանգվածային լրատվամիջոցներ, միջազգային կառույցների ներկայացուցիչներ` շուրջ հարյուր մարդ: Մասնակիցների ճնշող մեծամասնությունը` մոտ 80 մարդ, օրենքի սուբյեկտներն էին` մայրաքաղաքի, Արագածոտնի և Արարատի մարզերի դպրոցների տնօրեններ, մանկավարժներ, հոգեբաններ, սուրդոմանկավարժներ, լոգոպեդներ, կրթության հատուկ կարիք ունեցող երեխաների ծնողներ և նրանց շահերի պաշտպանությամբ զբաղվող կազմակերպության ներկայացուցիչներ:

Քննարկման ընթացքում ներկայացվեց, որ օրենքի փոփոխությունները միտված են երկու հիմնահարցի լուծմանը: Դրանք են` «Հավասար կրթություն բոլորի համար» քաղաքականության ներդրումը բոլոր հանրակրթական հաստատություններում` առանց խտրականության և դպրոցի կառավարման համակարգի բարելավումը:

Առաջին հարցի առումով օրենքի նախագծում հիմնական փոփոխություններն ու լրացումները ներկայացված են օրենքի 3-րդ հոդվածի 10-րդ կետում և միտված են բոլոր հանրակրթական դպրոցներում ներառական կրթության կազմակերպման իրավական երաշխիքներն ամրագրող հատուկ հանրակրթական դպրոց, կրթության առանձնահատուկ պայմաններ, կրթության առանձնահատուկ պայմանների կարիք ունեցող անձ, ներառական կրթութուն, կրթությանն աջակցող ծառայությունների մատուցում, երեխայի կրթության առանձնահատուկ պայմանների կարիքի գնահատում, հոգեբանամանկավարժական կենտրոն, ֆինանսավորման բարձրացված չափաքանակ հասկացությունների սահմանմանը:

Երկրորդ հարցը վերաբերում է դպրոցի կառավարմանն ուղղված 6-10-րդ հոդվածներում ամրագրված «հանրակրթական հիմնական ծրագրեր» հասկացությունների նոր սահմանումներին, պետական ուսումնական հաստատության խորհրդի անդամի լիազորությունների դադարեցման, պետական ուսումնական հաստատության տնօրենի նշանակման, տվյալ ուսումնական տարվա հանրակրթական հիմնական ծրագիրը չյուրացրած սովորողի հաջորդ դասարան փոխադրվելու, տնային ուսուցման կազմակերպման ընթացակարգի բարելավմանն ուղղված առաջարկներին: Մյուս փոփոխությունները վերաբերում են կրթության կազմակերպման աջակցության ծառայությունների, դրանց տրամադրման, երեխայի կրթության առանձնահատուկ պայմանների կարիքի գնահատման կարգերի սահմանմանը:

Այս փոփոխություններից շատերը «Հանրային ցանցի» հանրային փորձագետների կարծիքով նախագծում բավարար հստակ չեն ներկայացված, տարընկալման և կիրառման մակարդակում խնդիրների առաջ հայտնվելու հիմքեր են ստեղծում, իսկ քննարկման փուլում խոչընդոտում են նախագծի վերաբերյալ հստակ դիրքորոշման ձևավորմանն ու հասցեական առաջարկների ներկայացմանը:

Քննարկման ընթացքում ՀՀ Կրթության նախարարության ներկայացուցիչները «Հանրային ցանցի» կողմից բարձրացված հարցերին տվեցին սպառիչ/կողմնորոշիչ/ պատասխան, իսկ դիտարկումներն ու առաջարկները խորհուրդ տվեցին ներկայացնել Ազգային ժողով մինչև օրենքի երկրորդ ընթերցումը` չմերժելով դրանց քննարկումը:

Հարց ու պատասխանին հաջորդեց օրենքի նախագծում առաջարկված փոփոխությունների առընչությամբ հանրային փորձագետների դիրքորոշման քննարկումը ՀՀ կրթության նախարարության ներկայացուցիչների հետ, որոնք մեկնաբանում էին օրենքի նախագծում ամրագրված կառավարության դիրքորոշման հիմնավորումը, նախապատմությունը, համաձայն որի գործող օրենսդրությամբ ներառական կրթության կազմակերպման համար առանձին դպրոցների հատուկ կարգավիճակի տրամադրումն ու ֆինանսավորումը անհավասար պայմաններ է ստեղծում դպրոցների միջև, երեխաների համար չի ապահովում մատչելիության հարցը, առաջացնում է դպրոցի մատչելիության, տրանսպորտի ապահովման լրացուցիչ ծախսեր, կարգավիճակ ստանալու գործընթացում ծնում է կոռուպցիոն ռիսկեր: Մինչդեռ մի քանի մարզերում իրականացված պիլոտային ծրագրերի արդյունքները հիմք են տվել եզրակացնելու, որ այս փոփոխություններով կլուծվեն այդ խնդիրները, ինչպես նաև` միջազգային պարտավորությունների կատարման պայմանը:

Ցանցի և քննարկման մասնակիցների կողմից օրենքի նախագծի առընչությամբ ներառական կրթության երաշխիքներն ապահովող դրույթների վերաբերյալ դիտարկումներն ուղղված էին

ü կրթության հատուկ կարիք ունեցող երեխաների ներառական կրթության կազմակերպմանը զուգահեռ հատուկ կրթական դպրոցներում այլընտրանքային կրթության համակարգի պահպանման պարտադիր նախապայմանի ապահովմանը,

ü կրթության առանձնահատուկ պայմանների կարիք ունեցող անձի` երեխայի թեթև, միջին և բարդ կատեգորիաների դասակարգմանը, դրա համար բժշկափորձագիտական կենտրոնների փորձաքննության գնահատման չափորոշիչների սահմանմանը, համաձայն այդ չափանիշերի, կենտրոնի կողմից երեխայի կարողության, կարիքի գնահատման արդյունքների հիման վրա ծնողի հետ միասին կրթական հաստատության ընտրության մեխանիզմի կիրառմանը,

ü ներառական կրթության հաստատություններում և հատուկ դպրոցներում կրթությունը կազմակերպող աշխատակիցների` սոցիալական աշխատողի, սոցիալական մանկավարժի, հատուկ աշխատողի, ուսուցչի օգնականի և այլն հաստիքների, նրանց գործառույթների, աշխատավարձի, արձակուրդների և վճարման համաչափ կարգի սահմանմանը,

ü կրթական հաստատությունների մատչելի միջավայր հասկացության սահմանման մեջ` նաև հաստատության շենքային, նյութատեխնիկական, երեխայի կարողությանն ու կարիքին համապատասխանեցված ծրագրերի, դասագրքերի, նախապատրաստված մասնագետների չափազանց կարևոր բաղադրիչների ներառմանը,

ü խորհրդատվական ծառայություններ մատուցող կազմակերպությունների գործառույթ-ների շրջանակում երեխաների սոցիալ-տնտեսական աջակցության կազմակերպման համար համայնքային սոցիալական ծառայությունների համագործակցության պարտադիր պայմանի ամրագրմանը և մեխանիզմների սահմանմանը,

ü կրթության առանձնահատուկ պայմանների կարիք ունեցող երեխաներով դասարանների աշակերտների թվի սահմանափակումը` ոչ ավելի քան 20 հոգանոց դասարաններ,

ü ներառական կրթության արդյունավետ կազմակերպման ֆինանսավորման և դրա հասցեականության ապահովմանը, մասնավորապես տնային ուսուցման կազմակերպման համար համարժեք ֆինանսավորման հիմնահարցին,

ü որպես օրենքի կրառման երաշխիք 2013-2025թթ-ի Հեռահար ռազմավարական ծրագրում, միջնաժամկետ ծախսերի ծրագրում հանրակրթության ծախսերի ՀՆԱ-ի համեմատ համաչափ աճի սահմանմանը:

Հաջորդ խումբ դիտարկումներն ուղղված էին գործող օրենքում հանրակրթական հաստատությունների կառավարման բարելավմանն ուղղված առաջարկներին`

ü դպրոցի կոլեգիալ կառավարման խորհրդում դպրոցի` երկուսից ավելի ներկայացուցչի առկայության բացառման,

ü մասնավոր ուսումնական հաստատության տնօրեն (հանրակրթական հիմնական ծրագրեր իրականացնող ստորաբաժանման ղեկավար), ընտրվելու (նշանակվելու) համար սույն օրենքով սահմանված կարգով ուսումնական հաստատության ղեկավարման իրավունք ստանալու պարտադիր նախապայմանի անիրավաչափ լինելու,

ü ուսումնական պարապմունքներից բացակայություններ ունեցող սովորողների համար բացակայությունների հարգելի և անհարգելի սահմանումների բացակայության և այդ պատճառով վերջիններիս հետագա ուսումնառության կարգի սահմանումը կրթության պետական կառավարման լիազորված մարմնին փոխանցելու աննպատակահարմա-րության հիմնահարցերը:

Քննարկումն առավել բուռն ընթացավ, մասնավորապես` հատուկ հանրակրթական դպրոց, կրթության առանձնահատուկ պայմաններ, կրթության առանձնահատուկ պայմանների կարիք ունեցող անձ, ներառական կրթություն, կրթությանն աջակցող ծառայությունների մատուցում, երեխայի կրթության առանձնահատուկ պայմանների կարիքի գնահատում, հոգեբանամանկա-վարժական կենտրոն սահմանումների շուրջ: Պատճառն այն էր, որ մասնակիցների կարծիքով դրանք չեն ներկայացնում բոլոր այն անհրաժեշտ հիմքերը, որոնք կերաշխավորեն հատուկ կրթության կարիք ունեցող երեխայի իրական կարիքին ու պահանջարկին ուղղված միջավայրի ձևավորմանն ու համարժեք ծառայությունների մատուցմանը: Ավելին, նշված հոդվածներում չկա հղում այլ իրավական ակտերով օրենքի նշված դրույթների կատարումն ապահովող իրավական ակտերի ընդունմանը: Միևնույն ժամանակ խիստ կարևորվեց հատուկ դպրոցների ինստիտուտի պահպանման հարցն առավել բարդ հաշմանդամություն ունեցող երեխաների կրթության կազմակերպման համար: Ընդ որում, այս խնդիրն առավելապես բարձրաձայնում էին նմանօրինակ երեխաների առողջապահության և կրթության խնդիրներով զբաղվող բազմամյա փորձ ունեցող մասնագետները և մասնագիտացված հասարակական կազմակերպությունների ներկայացուցիչները:

ՀՀ Կրթության և գիտության նախարարության ներկայացուցիչներն այս դիտարկումների առընչությամբ պարզաբանեցին, որ նախարարությունը պլանավորում է հիշյալ հարցադրումների կարգավորման մեխանիզմներն ապահովող իրավական ակտերի, կանոնակարգերի մշակում, որոնք մասամբ արդեն ընթացք են ստացել, և ուրախ կլինեն դրանց մշակման գործընթացում համագործակցելու բոլոր շահագրգիռ կազմակերպությունների և փորձագետների հետ, առավել ևս, որ ներկաներից շատերի հետ այդ փորձն արդեն ունեն: Ուստի, կազմակերպիչներին խորհուրդ տրվեց հավաքագրված առաջարկներից գործադրին վերաբերող նյութերն առանձնացնել կամ նույնիսկ ամբողջությամբ ներկայացնել նաև նախարարություն` դրանց հեղինակներին հետագա աշխատանքներում ներգրավելու համար:

Քննարկման կազմակերպիչներն, ամփոփելով առաջարկները, մասնակիցներին հավաստիացրեցին, որ ներկայացված դիտարկումները, դրանց լուծմանն ուղղված հավաքագրված առաջարկները կամփոփվեն «Հանրային ցանցի» հանրային փորձագիտական խմբի կողմից և ըստ պատկանելիության կներկայացվեն ՀՀ Կրթության և գիտության նախարարության, ՀՀ ԱԺ կրթության, գիտության, մշակույթի, երիտասարդության եւ սպորտի հարցերի մշտական հանձնաժողովի քննարկմանը և բոլոր մասնակիցներին` ի գիտություն:

Առաջարկվեց նաև հետադարձ կապ պահել առաջարկների հեղինակների հետ` ցանկության դեպքում «Հանրային ցանցի» կողմից նախատեսվող մամուլի ասուլիսին, ԱԺ-ում օրենքի նախագծի երկրորդ լսմանը մասնակցելու համար:

Թափանցիկությունը Տեղական կառավարման մեջ GIZ

Administrator — Sat, 09 Feb 2013 14:16:57 GMT

Թափանցիկությունը Տեղական կառավարման մեջ GIZ

ՀՀ Ազգային Ժողովի նիստերի դահլիճում տեղի ունեցավ Միջազգային համագործակցության Գերմանական ընկերության /GIZ/ կազմակերպած տարեկան համաժողովը` «Թափանցիկությունը Տեղական կառավարման գործընթացներում» թեմայով: Հրավիրված էին ՀՀ կառավարման ոլորտի պատասխանատուներ, միջազգային կազմակերպությունների և տվյալ ոլորտում աշխատող քաղաքացիական հասարակության կառույցների ներկայացուցիչներ: «Հանրային ցանցը» ևս հրավիրված էր համաժողովին: Ցանցից համաժողովին մասնակցեց 9 կազմակերպության ներկայացուցիչ:

Աշխատանքային քննարկում «ԱԺ պաշտպանության, ազգային անվտանգության եւ ներքին գործերի մշտական հանձնաժողով»-ում

Administrator — Sat, 09 Feb 2013 14:12:25 GMT

Աշխատանքային քննարկում «ԱԺ պաշտպանության, ազգային անվտանգության եւ ներքին գործերի մշտական հանձնաժողով»-ում

ԱԺ պաշտպանության, ազգային անվտանգության եւ ներքին գործերի մշտական հանձնաժողովի նախագահ Կորյուն Նահապետյանը հոկտեմբերի 10-ին հանդիպեց քաղաքացիական հասարակության ինստիտուտների միավորման` Հանրային ցանցի անդամ հասարակական կազմակերպությունների ներկայացուցիչների հետ:

Կորյուն Նահապետյանը բարձր գնահատեց չորրորդ գումարման Ազգային ժողովի եւ Հանրային ցանցի միջեւ ստորագրված համագործակցության հուշագիրը, բայց առավել կարեւորեց տարբեր ձեւաչափերով իրական, առարկայական ու նպատակաուղղված համագործակցության ակտիվացումն ու շարունակականությունը: Նա պատրաստակամություն հայտնեց` ամեն ինչ անելու, որ համագործակցությունը լինի առավել սերտ ու արդյունավետ: Այդ առումով կարեւորվեց Հանրային ցանցի` հանձնաժողովին վերապահված ոլորտներով զբաղվող կազմակերպությունների ներկայացուցիչների մասնակցությունը հանձնաժողովի նիստերին, խորհրդարանական լսումներին, տարբեր հիմնախնդիրներին վերաբերող համատեղ քննարկումներին, որտեղ նրանք հանդես կգան հիմնահարցերի լուծման իրենց առաջարկներով: Օգտակար կարող են լինել նաեւ հանրությանը, հետեւաբար նաեւ հասարակական կազմակերպություններին հուզող հարցերի վերաբերյալ կատարվելիք հետազոտություններն ու վերլուծությունները, որոնք հնարավորություն կտան գտնելու արդյունավետ լուծումներ:

Հանձնաժողովի նախագահի գնահատմամբ` տեղեկատվական տեխնոլոգիաների, ինտերնետային կապի ներկա պայմաններում փոխհամաձայնեցված ամենօրյա աշխատանքի կազմակերպումը պայմանավորված է լինելու առավելապես աշխատելու ցանկությամբ, առկա խնդիրները լուծելու պատրաստակամությամբ ու հետեւողականությամբ:

Հասարակական կազմակերպությունների ներկայացուցիչները բարձրաձայնեցին ոլորտում առկա մի շարք հիմնախնդիրների մասին, որոնք առավելապես վերաբերում էին զինվորական ծառայությանը, բանակում տեղի ունեցող արատավոր երեւույթներին, ծառայության ընթացքում հաշմանդամ դարձած զինվորներին հաշմադամության կարգ տալու մեխանիզմներին ու դրանց վերանայմանը:

Կորյուն Նահապետյանն առաջարկեց բոլոր բարձրացված հարցերը ներկայացնել գրավոր հիմնավորումներով, որոնք համապատասխան օրենքներում փոփոխություններ ու լրացումներ կատարելու հիմք կարող են դառնալ:

(մանրամասն տե'ս

http://www.parliament.am/news.php?do=view&cat_id=2&day=10&month=10&year=2012&NewsID=5409&lang=arm ):