Ավարտվել է ուսումնասիրությունը առաջնային

բուժօգնության ոլորտում մատուցվող

ծառայությունների շրջանակի, որակի և

հասանելիության խնդիրներին վերաբերյալ

  Տնտեսական զարգացման և հետազոտությունների կենտրոնը

(EDRC) և Օքսֆամ ՄԲ Հայաստանյան գրասենյակը հայտնում են, որ

ավարտել են առաջնային բուժօգնության ոլորտում մատուցվող

ծառայությունների շրջանակի, որակի և հասանելիության

խնդիրներին վերաբերող ուսումնասիրությունը:

  Ուսումնասիրության հիմնական արդյունքներն ամփոփվել են

«Առաջնային առողջապահության 2012-ի հանրային ծրագրերը»

վերլուծական զեկույցում, որն առցանց հասանելի է հետևյալ

հասցեով` http://edrc.am/public.html?ID=39   

Հայտնվում է նաև, որ առաջարկները ստացել են նաև

Հանրային ցանցի աջակցությունն ու ներկայացվել ԱԺ: Արդյունքում

այն պատգամավորների կողմից օբյեկտիվորեն գնահատվել ու

ներկայացվել է ՀՀ Ազգային ժողովի Առողջապահության,

մայրության և մանկության հարցերի մշտական հանձնաժողովում

«ՀՀ 2012 թվականի պետական բյուջեի մասին» ՀՀ օրենքի նախագծի

Առողջապահության բյուջեի քննարկումների ժամանակ, որը

թույլ է տալիս ակնկալել առաջին բուժօգնության ծախսերի

հնարավոր աճ: