Երեքշաբթի, 23.05.2017, 06:03
ՀԱՆՐԱՅԻՆ ՑԱՆՑ/PUBLIC NETWORK
ՆՈՐՈՒԹՅՈՒՆՆԵՐ | | ԻՄ ԷՋԸ | ԳՐԱՆՑՈՒՄ | ԵԼՔ | ՄՈՒՏՔ
ԿԱՅՔԻ ՄԵՆՅՈՒ
ԲԱԺԻՆՆԵՐ
ՆՈՐՈՒԹՅՈՒՆՆԵՐ ՑԱՆՑԻՑ [30]
ԴՐԱՄԱՇՆՈՐՀՆԵՐ [4]
ՔԱՂԱՔԱՑԻԱԿԱՆ ՀԱՍԱՐԱԿՈՒԹՅՈՒՆ [37]
ՄԱՄՈՒԼԻ ՏԵՍՈՒԹՅՈՒՆ [0]
ՀԱՍԱՐԱԿՈՒԹՅՈՒՆ [3]
ՄԻՋԱԶԳԱՅԻՆ [1]
ԻՐԱՎՈՒՆՔ [2]
ԱՅԼ [0]
ՀԱՐՑՈՒՄ
Գնահատեք կայքը
Բոլոր պատասխանները: 87
ՎԻՃԱԿԱԳՐՈՒԹՅՈՒՆ

ՕՆԼԱՅՆ ԸՆԴԱՄԵՆԸ 1
ՀՅՈՒՐԵՐ 1
ԳՐԱՆՑՎԱԾՆԵՐ 0
ՄՈՒՏՔԻ ՊԱՏՈՒՀԱՆ
Նորություններ » 2012 » Մայիս » 4 » Տեղի է ունեցել Ազգային ժողովի նախագահին կից մոնիթորինգային խմբի հերթական հանդիպումը
22:31
Տեղի է ունեցել Ազգային ժողովի նախագահին կից մոնիթորինգային խմբի հերթական հանդիպումը
Տեղի է ունեցել Ազգային ժողովի նախագահին կից մոնիթորինգային խմբի հերթական հանդիպումը
Ապրիլի 25-ին տեղի ունեցավ Ազգային ժողովի նախագահին կից մոնիթորինգային խմբի հերթական հանդիպումը, որին մասնակցեցին ընտրապայքարում ներգրավված քաղաքական ուժերի, հասարակական եւ միջազգային կազմակերպությունների ներկայացուցիչներ: Հանդիպման օրակարգը ձեւավորվել էր ՀԿ-ներից եւ կուսակցություններից ստացված հարցադրումներից:

Մասնավորապես քննարկվեցին ընտրողի` մեկ վայրից մյուսը տեղափոխվելու պարագայում տեղեկանքի տրման կարգի կիրառման ոչ միասնական դրսեւորումները: Որոշվեց, որ ԱԺ նախագահ Սամվել Նիկոյանը սահմանված կարգով կդիմի ՀՀ ոստիկանության համապատասխան ստորաբաժանմանը` պարզաբանումներ ստանալու եւ միջոցներ ձեռնարկելու համար, որպեսզի կարգը բոլոր համայնքներում գործի համանման` ըստ օրենքի պահանջի:

          Մոնիթորինգային խմբի անդամներին մտահոգել էր այն հարցը, թե ինչու չի կիրառվում 6 ամսից ավելի հանրապետությունից բացակայող քաղաքացիներին հաշվառումից հանելու կարգը: ԱԺ նախագահը, մատնանշելով «Բնակչության պետական ռեգիստրի մասին» ՀՀ օրեքի 7-րդ հոդվածի  2-րդ կետը, տեղեկացրեց, որ ՀՀ տարածքից դուրս վեց ամսից ավելի ժամկետով բնակության մեկնող կամ վեց ամսից ավելի ժամկետով բնակվող Հայաստանի քաղաքացին ինքն է պարտավոր այդ մասին գրավոր տեղեկացնել ՀՀ համապատասխան հյուպատոսական ծառայությանը կամ դիվանագիտական ներկայացուցչությանը, որը յոթն օրվա ժամկետում այդ մասին պաշտոնապես հայտնում է կենտրոնական ռեգիստր վարող մարմնին:

          Արձանագրվեց, որ օրենքով հստակ կանոնակարգված է նաեւ մամուլում հնչեցվող այն խնդիրը, թե որոշ դպրոցներ ներքաշվել են նախընտրական գործընթացների մեջ: Ըստ «Հանրակրթության մասին» ՀՀ օրենքի 4-րդ հոդվածի 8-րդ կետի` ուսումնական հաստատություններում արգելվում է իրականացնել քաղաքական գործունություն կամ քարոզչություն: Պարոն Նիկոյանը պատրաստակամություն հայտնեց դիմելու ՀՀ կրթության եւ գիտության նախարարին` օրենքի նշված պահանջի խախտումներն իսպառ բացառելու համար:

          Քաղաքական ուժերը հարց բարձրացրեցին, որ տեղերում ընտրողներին որոշ ուժեր պարտադրելու են հեռախոսով լուսանկարել քվեաթերթիկը` որպես խոստացված քվեն տալու ապացույց: Միջազգային կազմակերպությունների ներկայացուցիչները տեղեկացրին, որ հեռուստաընկերություններով արդեն իսկ ցուցադրվում են հոլովակներ, որտեղ ընտրողներին զգուշացվում է նման արարքի քրեորեն պատժելի լինելու մասին: ԱԺ նախագահը վստահեցրեց` պայմանավորվածություն կա, որ ընտրությունների նախօրեին հեռուստատեսությամբ այդ մասին կհայտարարեն նաեւ Կենտրոնական ընտրական հանձնաժողովի նախագահն ու ՀՀ ոստիկանության պետը:

          Քննության դրվեց նաեւ օքսիդացվող կնիքների հարցը: Մտավախություն հնչեց, որ դրանք օքսիդանում են ոչ թե 12, այլ 3-4 ժամից, ինչը, իբր, հնարավորություն կտա ընտրողին քվեարկության մասնակցել մի քանի անգամ: Ներկաներն արձանագրեցին, որ անհանգստությունն անհիմն է, քանի որ այդ դեպքում հազարավոր ընտրողներ կարող են ականատես լինել վաղաժամ օքսիդացմանը: Այդուհանդերձ, պարոն Նիկոյանը պատրաստակամություն հայտնեց դիմել ԿԸՀ նախագահին` համպատասխան պարզաբանում ստանալու, իսկ հարկ եղած դեպքում` նաեւ փորձարկում կազմակերպելու աշխատանքային խմբում:

          Հասարակական հատվածի ներկայացուցիչներն ահազանգեցին, թե մայրաքաղաքի շենքերում առանց ներկայանալու անձինք են շրջում` քաղաքացիներին կոչ անելով անպայման մասնակցել առաջիկա ընտրություններին: ԱԺ նախագահը մասնակիցներին մեկ անգամ եւս հորդորեց հարցադրումները բարձրացնել հասցեավորված, ներկայացնել կոնկրետ փաստեր: Այդուհանդերձ, պարոն Նիկոյանը վստահեցրեց, որ այս խնդիրը եւս կներկայացնի ՀՀ ոստիկանության ուշադրությանը:

          Մոնիթորինգային խումբն անդրադարձավ նաեւ այլ հարցերի: Պայմանավորվածություն ձեռք բերվեց, որ ծագող խնդիրները մասնակիցներն արձանագրեն ու ներկայացնեն նախօրոք` օրակարգում ընդգրկվող հարցերն ավելի խորքային քննարկելու նպատակով: 

Բաժին: ՆՈՐՈՒԹՅՈՒՆՆԵՐ ՑԱՆՑԻՑ | Դիտումներով: 255 | Ավելացրել է: Admin
ԼԵԶՈՒՆԵՐ        
ՓՆՏՐՈՒՄ
ՕՐԱՑՈՒՅՑ
«  Մայիս 2012  »
ԵրկԵրքՉորՀինՈՒրՇաբԿիր
 123456
78910111213
14151617181920
21222324252627
28293031
ԱՐԽԻՎ
ԿԱՅՔԻ ԳՈՐԾԸՆԿԵՐՆԵՐ
  • ՊԱՏՐԱՍՏԵԼ ԿԱՅՔ
  • ԾՐԱԳՐԱՎՈՐՈՒՄ
  • ԾՐԱԳՐԵՐ
  • ԺԱՄԱՆՑ
  • ՌՈՒՆԵՏԻ ԿԱՅՔԵՐԸ
  • ԽՈՀԱՆՈՑ
  • ՏԵՂԵԿԱԳՐԵՐ
  • ԹԻՎ 1
  • ԹԻՎ 2
  • ԹԻՎ 3
  • ԹԻՎ 4
  • ԹԻՎ 5
  • ԹԻՎ 6
  • ԹԻՎ 7
  • ԹԻՎ 8
  • ԹԻՎ 9
  • ՌԱԶՄԱՎԱՐՈՒԹՅՈՒՆ
  • 2012-2016
  • ԶՐՈՒՑԱՐԱՆ
    ՀՀ ՀԱՆՐԱՅԻՆ ՑԱՆՑԻ ՊԱՇՏՈՆԱԿԱՆ ԿԱՅՔ

    Երևան, Հակոբ Հակոբյան 3, 3-րդ մասնաշենք, 213 սենյակ
    Հեռախոս` 22.29.68; բջջ. 077.69.04.67
    Էլ. փոստ` araza@arminco.com
    Կայքի ադմինիստրատոր` +374.322.2-71-19, 094-09-71-19
    Copyright MyCorp © 2017
    Կայքը պատրաստվել և սպասարկվում է Քաունթերփարթ Ինթերնեշնլի հայաստանյան ներկայացուցչության և ԱՄՆ-ի բնակչության առատաձեռն աջակցության շնորհիվ: Կայքի բովանդակությունը, արտահայտված տեսակետները և կարծիքները պատկանում են հեղինակներին և հնարավոր է, որ չհամընկնեն Քաունթերփարթ Ինթերնեշնլի հայաստանյան ներկայացչության, ԱՄՆ Միջազգային Զարգացման Գործակալության և ԱՄՆ կառավարության տեսակետների հետ:
      
    ԲՈԼՈՐ ԻՐԱՎՈՒՆՔՆԵՐԸ ՊԱՇՏՊԱՆՎԱԾ ԵՆ

    Создать бесплатный сайт с uCoz