ՄԱՄԼՈ ՀԱՂՈՐԴԱԳՐՈՒԹՅՈՒՆ

2011թ նոյեմբերի 1-ին ժամը 16⁰⁰-18⁰⁰  Երևան/Գոլդեն Թուլիպ հյուրանոցում տեղի ունեցավ  «Հանրային ցանց»-ի գործունեության և Քաունթերփարթ Ինթերնեյշնլ կազմակերպության հայաստանյան գրասենյակի ֆինանսական աջակցությամբ իրականացված քարտուղարության կարողությունների  հզորացման ծրագրի շրջնակներում ստեղծված կայք-էջի շնորհանդեսը:

Շնորհանդեսին մասնակցեցին ՀՀ ԱԺ-ի տարածքային կառավարման և տեղական ինքնակառավարման, Ֆինանսավարկային և բյուջետային, գյուղատնտեսության և բնության պահպանության, մարդու իրավունքների և հանրային հարցերի մշտական հանձնաժողովների և Օրինաց երկիր խմբակցության, ՀՀ Տեղական կառավարման և ինքնակառավարման, Էկոնամիկայի նախարարությունների, 3 միջազգային կազմակերպությունների, ցանցի անդամ 35,  8 գործընկեր կազմակերպությունների, 3 այլ ցանցերի և Հայ Առաքելական եկեղեցու  ներկայացուցիչներ:

Միջոցառման ընթացքում ներկայացվեցին «Հանրային ցանցի» քարտուղարության կարողությունների  հզորացման ծրագրի շրջնակներում իրականացված աշխատանքները և ցանցի կայք էջը: Նպատակն էր ցանցի անդամներին և գործընկերներին ծանոթացնել կայքի կառուցվածքին և ընձեռած հնարավորություններին:

Նշվեց, որ կայքն այսուհետ հանդիսանալու է այն վիրտուալ տարածքը ուր հնարավոր կլինի ծանոթանալ

• ցանցի գործունեությանը

• մուտք գործել գործընկեր պետական կառույցների կայքերը

• իրականացնել առ ցանց քննարկումներ

• վարել բլոգեր պետական պաշտոնյաների և պատգամավորների ներգրավվմամբ

• տեղադրել նորություններ և հայտարարություններ ցանցում, ինչպես նաև անդամ կազմակերպություններում ու գործընկեր պետական կառույցներում տեղի, ունեցած  կամ  ունենալիք միջոցառումների մասին

Մասնակիցները տեղում ներկայացրեցին կայքի բարելավմանն ուղղված իրենց առաջարկությունները, որոնք ընդունվեցին  քարտուղարության և կայքը պատրաստող ցանցի անդամ «Ոսկե Միջին-հասարակական նախաձեռնությունների կենտրոն» հասարակական կազմակերպության նախագահ/կայքի հեղինակ Հովհաննես Ղազարյանի  կողմից: